பெரும்பாலான ஆண்கள் மற்றும் பெண்களுக்கு இந்த பிரச்சனை இருந்தாலும், ஒரு சில ஆண்களுக்கு முன் பக்கக் தலைமுடி அதிகமாக கொட்டுவதால் வழுக்கை ஏற்படும் வாய்ப்புகள் தோன்றுகிறது. ஆண்களின் பொதுவான வழுக்கை பிரச்சனையுடன் தொடர்புடைய ஒரு வகை முடி இழப்பாகத்தான் முன் பக்க வழுக்கையும் பார்க்கப்படுகிறது.

மேலும் இந்த முன் பக்க வழுக்கையை ஃபிரண்டல் ஃபைபரோசிங் அலோப்ஸி (frontal fibrosing alopecia (FFA)) என்றும் கூறுகின்றனர். வழுக்கை தொடர்பான பிரச்சனைகள் ஒருவரின் முக தோற்றத்தை பாதிப்பதால் ஆண்கள் ஒரு வித தர்மசங்கடங்களை அடைகின்றனர்.

இதனால் அவர்களின் தன்னம்பிக்கையும் பாதிக்கப்படுகிறது. தலையின் முன் பக்க வழுக்கை என்பது முடி கொட்டுதலின் முதல்  நிலை ஆகும். உங்கள் முடி மெலிதாக மாறுவதற்கான முதல் அறிகுறி என்றும் எடுத்துக் கொள்ளலாம்

பொதுவாக முடி இழப்பிற்கு பல்வேறு காரணங்கள் உள்ளன. ஆரோக்கியமற்ற உணவு மற்றும் வாழ்க்கை முறை, உடலியல் மற்றும் உளவியல் மன அழுத்தம், தவறான முடி பராமரிப்பு , ஹார்மோன் மாற்றம், உச்சந்தலையில் தொற்று, நோய் மற்றும் மருந்துகள் முதலியன முடி இழப்பை ஏற்படுத்தும். இருந்தாலும் உடல் மற்றும் உச்சந்தலையில் ஹார்மோன் மாற்றங்கள் மற்றும் மரபணு காரணிகள், ஆண்களின் வழுக்கைக்கு முக்கிய காரணிகளாக இருக்கின்றன.

யோகா மற்றும் தியானம் செய்வதன் மூலம் சரியான வாழ்க்கை முறையை பராமரிப்பது, ஆரோக்கியமான உணவுகள் மற்றும் மன அழுத்தம் ஏற்படாமல் பார்த்துக் கொள்வது போன்றவை இயற்கையாகவே  முடி இழப்பு பிரச்சனைக்கு உதவும்.

நோயெதிர்ப்பு மண்டலத்தை உயர்த்துவது மற்றும் நோயைக் கட்டுப்படுத்துவது ஆரோக்கியமான முடி வளர்ச்சிக்கு துணை புரியும். .சூடான முடி சிகிச்சைகள், ஸ்டைலிங் கருவிகள், இரசாயனங்கள் மற்றும் மன அழுத்தம் மற்றும் இறுக்கமான ஹேர் ஸ்டைலிங் ஆகியவற்றை தவிர்க்கவும். இவை இயற்கையாகவே முன் பக்க தலைமுடியை உதிரச் செய்யும்.

உடலின் ஹார்மோன் அளவு சீராகவும் சம அளவிலும் பராமரிக்கப்பட வேண்டும். மருந்துகள், மருத்துவ சிகிச்சைகள் மற்றும் அறுவை சிகிச்சை மூலமாக முன் பக்க தலை முடி இழப்பை கட்டுப்படுத்தலாம்.

பிநஸ்டேரைட்  எனும் மாத்திரை, ஒரு நாளைக்கு ஒன்று எடுத்துக் கொள்வதால் முடி இழப்பு முற்றிலும் தடுக்கப்படுகிறது. , மேலும் புதிய முடி வளர்ச்சியும் அதிகரிக்கிறது. இந்த மாத்திரையை எடுத்துக் கொண்ட நான்கு மாதத்தில் நல்ல விளைவுகள் ஏற்படுகிறது.. மேலும் இரண்டு ஆண்டுகளில் முழு முடி வளர்ச்சி ஏற்படுகிறது.