நாம் உண்ணும் கீரைகளில் இத்தனை மருத்துவ குணங்களா இங்கே பார்க்கலாம்!!!!

sidtha maruthuvam engkal.com

கீரை வகைகள் !!!!

sidtha maruthuvam engkal.com
மணலிக்கீரை

மணலிக்கீரை:

மணலிக்கீரையின் இலை, தண்டு, வேர் ஆகிய அனைத்தும் மருத்துவக்குணம் வாய்ந்தது.

மணலிக்கீரையை பருப்புடன் சேர்த்து கூட்டு தயார் செய்து சாப்பிட்டு வந்தால் மலச்சிக்கல் பிரச்சனை குணமாகும்.

ஞாபக சக்தியை அதிகரிக்க உதவும் மணலிக்கீரை

ஞாபக மறதிக்கு முக்கிய காரணம் பித்த அதிகரிப்பே காரணம் ஆகும். மேலும் மூளைக்குத் தேவையான சத்து குறைவதாலும் இப்பிரச்சனை ஏற்படுகிறது. இப்பிரச்சனை தீருவதற்கு மணலிக்கீரை‌யை மசியல் செய்து சாப்பிட வேண்டும்.

மூளை நரம்புகள் பலம்பெற:

மணலிக்‌கீரை வதக்கி சாப்பிட்டால்  மூளை நரம்புகள் பலப்படும்.

ஈரல் பலம்பெற:

மணலிக்கீரையை கஷாயம் செய்து குடித்தால் ஈரல் பலப்படும்.இத்தகைய மருத்துவக்குணங்களை பெற்றுள்ள  மணலிக்கீரையை நாம் நம் உடல் ஆரோக்கியத்துக்காக தின்தோறும் பயன்படுத்தலாம்.

[the_ad id=”14619″]

sidtha maruthuvam engkal.com
கரிசலாங்கண்ணி

கரிசலாங்கண்ணி:

கரிசலாங்கண்ணிச் சாறு 500 மில்லி, சுத்தமான கலப்படம் இல்லாத நல்லெண்ணெய் 500 மில்லி சேர்த்து நன்கு  பதமாகக் காய்ச்சி வடித்து வைத்துக் கொண்டு  ஒரு தேக்கரண்டி வீதம் தினம் இரண்டு வேலை  சாப்பிட்டு வந்தால்  சுவாசம், சளியுடன் கூடிய இருமல் மூச்சுத்திணறல் போன்ற நோய்கள் நீங்கிவிடும்.

கூந்தல் வளர

கூந்தல் வளர 300 மில்லி தேங்காய் எண்ணெய் அல்லது நல்லெண்ணெயில் 150 மில்லி கரிசலாங்கண்ணிச் சாற்றைக் கலந்து காய்ச்சி கைப் பதம் வந்ததும் வடிகட்டி வைத்துக் கொண்டு, தலைக்குத் தடவி வந்தால் தலைமுடி நன்றாக வளரும்.

இளநரையை நீக்க

கரிசலாங்கண்ணிப் பொடியை ஒரு பருத்தியினால் ஆன துணியில் முடிச்சாக கட்டி ஒரு பாத்திரத்தில் வைத்து நுனி முடிச்சு மூழ்கும் அளவிற்கு தேங்காய்  எண்ணெய் ஊற்றி வெயிலில் சில தினங்கள் வைத்திருந்தால் எண்ணெய் நல்ல கருப்பு நிறமாக வரும். பிறகு எடுத்து வடிகட்டி அந்த  தைலத்தை தினமும்  தலைக்குத் தடவி வந்தால் இளநரையை நீக்கிவிடும்

sidtha maruthuvam engkal.com
வல்லாரை

மருந்துச்செடி வகைகளில் வல்லாரை முக்கிய இடம் வகிக்கின்றது. பிரம்பி, சரஸ்வதி, யோசனவல்லி போன்ற தமிழ்ப்பெயர்களாலும் வல்லாரை பொதுவாக அழைக்கப்படுகின்றது.

வல்லாரையில் இரும்புச்சத்து, சுன்ணாம்புச்சத்து, வைட்டமின் ஏ, வைட்டமின் சி மற்றும் தாது உப்புகள் நிறைந்து காணப்படுகின்றது. இது இரத்தத்திற்க்கு தேவையான அனைத்து சத்துக்களையும் சரிவிகித அளவில் கொண்டுள்ளது.

தோல் வியாதி உள்ளவர்கள் வல்லாரை மிக சிறந்த மருந்து. இக்கீரையை வாரம் ஒருமுறை சாப்பிட்டு வர தோல் சம்பந்தமான வியாதி குறையும்.

வல்லாரை கீரையை பச்சையாக சாப்பிடுவதால் மூளை சுறுசுறுப்படையும். மாலைக்கண் நோய் குணமாக வல்லாரை கீரையோடு பசும்பால் சேர்த்து உண்டு வர
மாலைக்கண் நோய் மறையும்.

வல்லாரை ஞாபகசக்தியை வளர்க்கும் வல்லமை கொண்டது. வல்லாரை சாப்பிடுவதால் ஞாபகசக்தி பெருகும். புத்தி கூர்மையாகும். நீரிழிவு நோயாளிகள் வல்லாரைக் கீரை சாப்பிடுவது நல்லது. இக்கீரை மலச் சிக்கலைப் போக்கி, வயிற்றுப் புண், குடல்புண்ணை ஆற்றுகிறது.

வீக்கம், கட்டிகள் மறைய வல்லாரை இலையை விளக்கெண்ணெயில் வதக்கி, தொடர்ந்து வீக்கம், கட்டி ஆகியவற்றின் மீது கட்டிவர விரைவில் குணம் ஏற்படும். வல்லாரை இலைச்சாற்றைப் பிழிந்து, சம அளவு நெய் சேர்த்து, பாதிக்கப்பட்ட இடத்தில் பூசி வர அடிபட்ட காயம், கொப்புளங்கள் குணமாகும்.

sidtha maruthuvam engkal.com
மணத்தக்காளி

மணத்தக்காளி இலை சிறிது இனிப்புச்சுவையும், குளிர்ச்சித்தன்மையும் கொண்டது. சருமம் தொடர்பான பல நோய்கள் வராமல் கட்டுபடுத்தும் ஆற்றல் கொண்டது. இதில் வைட்டமின் இ, டி அதிக அளவில் உள்ளது . நார்ச்சத்து மிகுந்தது. இந்தக் கீரையைத் தொடர்ந்து சாப்பிட்டுவந்தால், வயிற்றில் ஏற்படும் புண்களைக் குணப்படுத்தும். மற்றும் வாய் புன்னை குணப்படுத்தலாம்.

வெறும் பச்சை இலைகளை, நாள் ஒன்றுக்கு ஐந்துமுறைகள் நன்றாக மென்று சாற்றை விழுங்கினாலும், வாய்ப்புண் முழுமையாக குணம் ஆகும்.

மூட்டுப் பகுதியில் உள்ள வீக்கங்களால் அவதிப்படுபவர்கள், மணத்தக்காளி இலைகளை வதக்கி, வீக்கம் இருக்கும் இடத்தில்  ஒத்தடம் கொடுத்தால், நல்ல பலன் கிடைக்கும். மணத்தக்காளி காயை வற்றல் செய்து, மற்றும் குழம்புக்குப் பயன்படுத்தலாம். இதன் இலை, வேர் ஆகியவற்றை குடிநீர் செய்து அருந்துவது நோயற்ற வாழ்வைப் பெற உதவும்.

 உடலில் உள்ள வெப்பத்தை தணிக்க மணத்தக்காளி கீரையை சாப்பிட்டு வந்தால் நல்ல பயன் தரும்.

காசநோய் இருப்பவர்கள் கீரையின் பழத்தை சாப்பிடுவது நல்லது.

மணத்தக்காளி கீரை மற்றும் அதனுடைய பழத்தினை பொடி செய்து தினமும் காலை மற்றும் மாலை சாப்பிட்டு வந்தால் நெஞ்சு வலி குணமடையும் மற்றும் இதயம் பலம் பெரும்.

இக்கீரையை உண்டால் உடலுக்கு அழகு கூடும். இதயத்திற்கு வலிமை அதிகரிக்கும். வயிற்றுப் போக்கு, காய்ச்சல், குடல்புண் முதலியவற்றிற்கு உணவு மருந்தாகவும் பயன்படுத்தலாம். இரவு நேரங்களில் இக்கீரையை உணவுடன் உண்டால் களைப்பு நீங்கும். இத்துடன் நன்கு தூங்க  உதவும்.

அகத்தி

அகத்தி கீரையை பெரும்பாலான பகுதிகளில் பயிரடப்படுகிறது. இந்த வகையான கீரை நீர்ப்பிடிப்பு பகுதிகளில் வளர்க்கபடுக்குறது. அகத்தி கீரையில் நீர் சத்து மிகுதியாக உள்ளது.இதில் சுண்ணாம்பு சத்து உள்ளதால் பல் மற்றும் எலும்பு வளர்ச்சிக்கு உதவவும் கீரை.

இந்த கீரையில் அதிக விட்டமின்கள் உள்ளது.

அடி பட்டு ரத்த வரும் இடத்தில் அகத்தி கீரையின் சாற்றை பிழிந்து விடுவதன்  மூலம் ரத்தம் வருவது நிறுத்த மற்றும் காயம் விரைவில் ஆற உதவும்.

மன நிலை சரி இல்லாத நிலைமையில் உள்ளவர்கள்  இதன் சாற்றை தலையில் நன்கு தேய்த்து சிறிது நேரங்கள் கழித்து ஷாம்பு போட்டு குளித்து வர இயல்பு நிலைக்கு திரும்பும்.

அகத்தி கீரையின்  சாற்றை சேற்று புண்களில் தடவி வர சேற்று புண்கள் விரைவில் ஆறிவிடும். உடம்பில் உள்ள  தேமலுக்கு அகத்தி கீரையீன் இலையை தேங்கா எண்ணெய்யில் வதக்கி, அதை விழுதாக அரைத்து பூசி வந்தால் தேமல் முற்றிலுமாக மறையும்.

அகத்தி கீரையையும் மருதாணி இலையையும் சம அளவில் எடுத்து நன்கு அரைத்து கால் வெடிப்புகளில் பற்றுப்போட்டால் வெடிப்புகள் மறையும்.

அகத்தி கீரையை அடிக்கடி உணவில் சேர்த்து கொண்டால் எலும்பும், பல்லும் உறுதியாகும் . இந்த அகத்தி கீரையானது வயிற்றில் இருக்கும் புழு மற்றும் மலச்சிக்கலையும் நீக்கும்.

இளந்தாய்மார்கள் அகத்தி கீரையை அடிக்கடி சாப்பிட்டால் நிறைய பால் சுரக்கும்.

கண் எரிச்சல், கண் வலி, கண்ணில் நீர் வடிதல் போன்ற கண் சம்மந்தப்பட்ட நோய்களுக்கு அகத்திப்பூவை கண்ணில் வைத்து கட்டிக்கொண்டால் சரியாகும்.

sidtha maruthuvam engkal.com
முருங்கை

முருங்கை இலையை தொடர்ந்து சாப்பிட்டு வந்தால் 300 நோய்களுக்கு மேல் வராமல் தடுக்கலாம் என்பது பழமொழி …..

இலையை அடிக்கடி பொரியல் செய்து சாப்பிட பித்த மயக்கம், மலச்சிக்கல், கண்நோய், கபம், மந்தம் தீரும். கீரையில் சுவையான கீரையும் சத்தான கீரையும் இதுதான். இலையை ஆமணக்கெண்ணையில் வதக்கி ஒத்தடம் கொடுக்க வாத மூட்டுவலி, இடுப்பு வலி  ஆகியவற்றை நீங்கும் முருங்கை இலை, தூதுவளை, பசலை அரைக்கீரை ஒன்று சேர்த்து வெங்காயம் போட்டு வதக்கி சாப்பிட்டு வர தாது பலப்படும்.

இதன் இலைச் சாற்றைப் பிழிந்து பத்து மி.லி. நாளும் இரு வேளை பாலில் கொடுக்க ஒரு வயது, இருவயது குழந்தை உடல் ஊட்டம் பெறும்.

பூவைப் பருப்புடன் சமைத்துச் சாப்பிட்டால் பித்த வெப்பம் அகலும். கண் எரிச்சல், நாகசப்பு, நீர் ஊறுதல் தீரும்.

முருங்கைப்பிஞ்சை சமைத்துச் சாப்பிட்டால் தாது நட்டத்தால் ஏற்படும் சுரம் தீரும்.சயம், சளி ஆகிய நோய்வாய்ப்பட்டவர்க்களுக்கு இது சிறந்த ஊட்டம் தரும்.

முருங்கைப்பட்டைத் தூள் 10 கிராம், சுக்கு, மிளகு, சீரகம் ஆகியவற்றின் பொடி 2 கிராம் போட்டு வெந்நீரில் காயாச்சி மூன்று வேளையும் 30 மி.லி. அளவு கொடுக்க குடற்புண், காய்ச்சலாகிய டைபாய்டு குணமாகும். இருமல், கபம் தீரும்.

முருங்கைப் பட்டையும் வெண் கடுகையும் அரைத்துப் பற்றுப் போட வாதவலி தீரும். வீக்கம் குறையும்.

இதன் பிசினையுலர்த்திப் பொடி செய்து அரை தேக்கரண்டி பாலில் காலை, மாலை குடிக்க தாது பலம் உண்டாகும். மிகுதியாகச் சிறுநீர் கழித்தல் தீரும். உடல் வனப்பு உண்டாகும்.

சாதாரணமாக வீடுகளில் தென்படும் முருங்கை மரத்தை, மருத்துவ பொக்கிஷம் என்றே சொல்ல வேண்டும். ஏனெனில் இது எண்ணற்ற வியாதிகளுக்கு பல வகைகளில் மருந்தாகிறது. முருங்கைக் கீரை வாரம் இருமுறை சாப்பிட்டுவர உடல் சூடு தணியும்.

kerikalin payangal engkal.com
முடக்கத்தான் கீரை

இன்றைய சூழ்நிலையில் பலரும் மூட்டு வலியால் பாதிக்கப்பட்டுள்ளனர். நமது வீடுகளிலேயே ஒருவர் அல்லது இரண்டு பேர் மூட்டு வலியால் பாதிக்கப்பட்டுள்ளதை காணமுடிகிறது.

இந்த மூட்டுவலிக்கு பல மருந்துகள், பல மருத்துவர்களை பார்த்து பலருக்கு மூட்டு வலி குணமாகாமல் தான் இருக்கும்.

ஆனால் இந்த மூட்டு வலிக்கு இயற்கையிலே மிகச்சிறந்த மருந்து உள்ளது. இதனை பயன்படுத்திப்பாருங்கள். மூட்டுவலி முற்றிலும் குணமாக உதவும் முடக்கத்தான் கீரை

இந்தியாவில், 65 சதவிகித மக்கள் இந்த வகை மூட்டு வலியினால் பாதிக்கப்படுகின்றனர். இதில், 85 சதவிகிதம் பெண்கள். பலவிதமான மருத்துவ முறைகளில், இந்த நோய்க்கு மூலகாரணம் கண்டுபிடித்து மருந்து அளிப்பதில்லை. நம் முன்னோர்கள், 2000 வருடங்களுக்கு முன்பே இயற்கை மருத்துவ குணம் கொண்ட கீரையை, நமக்கு அறிமுகப்படுத்தி உள்ளார்கள். அதுதான் முடக்கத்தான் கீரை.

முடக்கத்தானிலுள்ள தாலைட்ஸ், ஒரு குறிப்பிட்ட விகிதத்தில் யூரிக் ஆசிட்டைக் கரைக்கும் சக்தி படைத்திருப்பதை, இந்திய ஆராய்ச்சியாளர் குழுவினரும், ஆஸ்திரேலிய பல்கலை ஆராய்ச்சியாளர்களும் இணைந்து கண்டுபிடித்தனர். இதன் சிறப்புக் குணம், நமது மூட்டுகளில் எங்கு யூரிக் ஆசிட் இருந்தாலும் அதைக் கரைத்து, சிறுநீரகத்துக்கு எடுத்துச்சென்று விடும்.

உடல் சோர்வு 

இது சிறுநீராக வெளியேற்றும்போது, அது சோடியம் மற்றும் பொட்டாசியம் ஆகியவற்றை நம் உடலில் விட்டு செல்கிறது. இது ஒரு மிக முக்கியமான மாற்றத்தை, நம் உடலில் ஏற்படுத்துகிறது. இதனால் நமக்கு உடல் சோர்வு ஏற்படுவதில்லை.

முடக்கத்தான் தோசை

முடக்கத்தான் கீரையை கொண்டு தோசை செய்யலாம். முடக்கத்தான் கீரையை தோசை மாவில் கரைத்து, தோசை செய்து சாப்பிடலாம். கீரையை கொதிக்க வைத்து உண்ணக சாப்பிடக்கூடாது. கொதிக்க வைத்தால் மருத்துவ சத்துக்கள் அழிந்து விடும்.

மழைக்காலங்களில் மட்டுமே இந்தக் கீரை கிடைக்கும். தமிழக கிராமங்களில், எல்லோர் வீட்டுக் கொல்லைப்புறத்திலும் இக்கீரை படர்ந்து கிடக்கும்.

முடக்கத்தான் கீரையை எண்ணெய்யில் இட்டு காய்ச்சி மூட்டு வலிக்கு பூசினால் மூட்டு வலி விரைவில் குணமாகும்.

பிற பயன்கள்

முடக்கத்தான் கீரையை சமைத்து சாப்பிட்டால், கீல் பிடிப்பு, கீல் வாதம், கால்களை நீண்ட, மடக்க முடியாமல் இருப்பது, நடக்க முடியாமல் இருப்பது போன்றவை குணமாகும்.

சட்னி அல்லது துவையல்

முடக்கத்தான் இலைகளை நெய்யில் வதக்கி, இஞ்சி, கொத்தமல்லி, உளுத்தம் பருப்பு, பெருங்காயம், கறிவேப்பிலை சேர்த்து சட்னி அல்லது துவையல் செய்து தினமும் சாப்பிட்டு வந்தால் மூட்டு சம்மந்தப்பட்ட நோய்கள் குணமாகும்.

kerikalin payangal engkal.com
தும்பை கீரை

தும்பைப் பூவையும், ஒருமிளகையும் அரைத்து நெற்றியில் பற்றுப் போட்டுவந்தால் தலைவலி, தலைபாரம், நீர்க்கோர்வை நீங்கும்.

தும்பைப் பூவையும், ஊமத்தம் பூவையும் சம அளவு எடுத்து அரைத்துப் புங்கை நெய்யில் கலந்து காய்ச்சி வடித்துக் கொண்டு காதிற்குச் சொட்டு மருந்தாகப் பயன்படுத்தி வந்தால் காதில் உள்ள புண், காதில் சீழ் வடிதல், காது இரைச்சல் போன்றவை தீரும்.

தும்பைப் பூவையும், பெருங்காயத்தையும் சம அளவு எடுத்து அரைத்துக் கடுகெண்ணெய்யில் கலந்து காய்ச்சி வடித்து வைத்ததுக் கொண்டு சொட்டு மருந்தாகக் காதிற்கு விட்டு வந்தால் காதில் சீழ்வடிதல் குணமாகும்.

அதிகாலையில் தும்பைப் பூவைப் பசும்பால் விட்டு அரைத்து உள்ளுக்குத் கொடுத்து வந்தால் நாட்பட்ட விக்கல் நீங்கும்.

தும்பைச் சாறு 500 மி.லி. தேங்காய்எண்ணெய் 500 மி.லி.இரண்டையும் கலந்து காய்ச்சி வைத்துக்கொண்டு உடலின் வெளிப் புறத்தில் தேய்த்து வந்தால் வெட்டுக் காயம், ஆறாத புண்கள் ஆறும்.

தும்பைச் சாறு 30 மி.லி ,துத்தி இலைச் சாறு 30 மி.லி இவை இரண்டையும் பசும் பாலில் கலந்து கொடுத்து வந்தால் உள் மூலம், வெளி மூலம், இரத்த மூலம் போன்றவை குணமாகும்.

தும்பை முழுத்தாவரமும் இனிப்பு, காரச் சுவைகளும், வெப்பத் தன்மையும் கொண்டது. சளியைக் கட்டுப்படுத்தும்; மலமிளக்கும்; கோழையகற்றும்; மாதவிலக்கைத் தூண்டும்.

தும்பை இலைச்சாறு, தலைவலி, வாதநோய் போன்றவற்றைக் குணமாக்கும். தும்பை பூ, தாகம், காய்ச்சல், கண்ணோய் போன்றவற்றிற்கு மருந்தாகும்.

தமிழகமெங்கும், கிராமங்களில் சாதாரணமாகக் காணப்படும் செடி வகைகளில் தும்பைச் செடியும் ஒன்றாகும். பச்சைப்பசேல் நிறத்தில், கத்திபோல் நாலாபுறமும் நீட்டிக் கொண்டிருக்கும்.

கரும்பச்சை நிறமான இலைகள், நான்கு பக்கங்களைக் கொண்ட தண்டு, நடுவில் மஞ்சரித் தொகுப்பில் சுற்றி மலர்ந்துள்ள வெண்மையான, தேன்சத்து நிறைந்த நாக்கு வடிவ மலர்கள் இவற்றைக் கொண்டு தும்பைச் செடியை அனைவரும் அடையாளம் கண்டு கொள்ளலாம்.

பெரும்பாலும் மணற்பாங்கான நிலத்திலேயே தும்பை விரும்பி வளர்கின்றது. விவசாய நிலங்களில் இந்தச் செடி மழைக்காலங்களில் மிகச் சாதாரணமாகக் காணப்படும். முழுத்தாவரமும் மருத்துவப் பயன் கொண்டது. தும்பை இலை, பூக்கள் மருத்துவப் பயன் அதிகமானவை.

தும்பை மலர்களில் உற்பத்தியாகும் தேனைக் குடிக்க எப்போதும், எறும்பு, வண்ணத்துப்பூச்சிகள் மற்றும் பிறவகைப் பூச்சிகள் காத்துக் கொண்டிருக்கும். தும்பை செடியைப் பிடுங்கினால் எளிதில் வேருடன் வந்துவிடும்.

வேரில் மண் ஒட்டாமல் வெண்மையாகவே காணப்படுவது தும்பையின் சிறப்பு அம்சமாகும். மேலும், எளிதாக ஓரிடத்திலிருந்து மற்றொரு இடத்திற்குப் பரவும் தன்மையுடையது.

kerikalin payangal engkal.com
அரைக்கீரை

 ரத்தசோகையை போக்கவல்லதும், உடல் வலியை சரிசெய்ய கூடியதும், முடியை ஆரோக்கியமாக வைத்திருக்கும் தன்மை கொண்டதுமான அரைக்கீரையின் மருத்துவ குணங்களை பார்க்கலாம்.

அற்புதமான மருத்துவ குணங்களை கொண்டது அரைக்கீரை. இரும்புச்சத்து நிறைந்த இது, ஹீமோகுளோபினை அதிகரிக்க வல்லது. ரத்தசோகையை போக்கும் உணவாக விளங்குகிறது.

நரம்புகளுக்கு பலம் கொடுக்கிறது. காலையில் வெறும் வயிற்றில் தினமும் அரை கீரையை நெய்விட்டு வதக்கி சாப்பிடுவதால் ஆண்மை பெருகும். உடல் பலம் பெறும். ஆரோக்கியத்தை தரவல்ல முக்கியமான கீரையாக இது விளங்குகிறது.

அரைக்கீரையை பயன்படுத்தி ரத்தசோகையை போக்கும், உடலுக்கு பலம் தரும் மருந்து தயாரிக்கலாம். தேவையான பொருட்கள்: அரைக்கீரை, நெல்லி வற்றல், பனங்கற்கண்டு. செய்முறை: அரைக்கீரை, நெல்லி வற்றலை பசையாக அரைத்து 2 ஸ்பூன் அளவுக்கு எடுக்கவும்.

இதனுடன் சிறிது பனங்கற்கண்டு சேர்த்து ஒரு டம்ளர் நீர்விட்டு கொதிக்க வைக்கவும்.  வடிகட்டி தினமும் ஒருவேளை எடுத்துவர ஹீமோகுேளாபின் அதிகமாகி ரத்த சோகை இல்லாமல் போகும். உடல் பலம் பெறும். அரைக்கீரை மலச்சிக்கலை போக்கும் தன்மை உடையது. குடல் புண் வராமல் காக்கும். ஆசனவாய், மலக்குடலில் புற்றுவராமல் தடுக்கிறது.

அரைக்கீரையை பயன்படுத்தி காய்ச்சல், உடல் வலியை போக்கும் மருந்து தயாரிக்கலாம். தேவையான பொருட்கள்: அரைக்கீரை, மிளகுப்பொடி, மஞ்சள்பொடி, தேன். செய்முறை: அரைக்கீரை ஒரு பிடி அளவுக்கு எடுக்கவும். இதனுடன் சிறிது மிளகுப்பொடி, கால் ஸ்பூன் மஞ்சள் பொடி சேர்த்து ஒரு டம்ளர் நீர்விட்டு கொதிக்க வைக்கவும். இதை வடிகட்டி தேன் சேர்த்து காலை, மாலை குடித்துவர காய்ச்சல், உடல் வலி சரியாகும்.

அரைக்கீரையில் சோடியம், பொட்டாசியம், கால்சியம், மெக்னீசியம், பாஸ்பரஸ், வைட்டமின் சி ஆகிய சத்துக்கள் உள்ளன. இது வாதம், பித்தத்தை சமன்படுத்தும் தன்மை உடையது.

அரைக்கீரை விதைகளை பயன்படுத்தி முடி ஆரோக்கியமாகவும், கருமையாகவும் இருப்பதற்கான மருந்து தயாரிக்கலாம். தேவையான பொருட்கள்: அரைக்கீரை விதை, நெல்லி வற்றல், தேங்காய் எண்ணெய்.செய்முறை ஒரு பாத்திரத்தில் தேங்காய் எண்ணெய் எடுக்கவும்.

இதனுடன் அரைக்கீரை, நெல்லிவற்றல் கலந்த பசை, அரைக்கீதை விதைப்பொடி சேர்த்து கலந்து தைலப்பதத்தில் காய்ச்சவும். இதை ஆறவைத்து வடிகட்டி தலைக்கு தேய்த்துவர  தலைமுடி கருப்பாகும்.

உடல் குளிர்ச்சி பெறும். நல்ல உறக்கத்தை தூண்டும். நாட்டு மருந்து கடைகளில் அரைக்கீரை விதை கிடைக்கும். பல்வேறு நன்மைகளை கொண்ட அரைக்கீரையை அடிக்கடி பயன்படுத்தி வர உடல் நலம் பெறும்.பேன் தொல்லையை சரிசெய்யும் மருத்துவம் குறித்து பார்க்கலாம்.

தேவையான பொருட்கள்:

பாதாம், வினிகர். செய்முறை: 5 பாதாம் பருப்பை ஊறவைத்து விழுதாக்கி, வினிகர் சேர்த்து நன்றாக கலந்து தலைக்கு பூசி வைத்திருந்து குளிப்பதால் பேன் தொல்லை விலகிப்போகும். முடி ஆரோக்கியம் பெறும்.

 

kerikalin payangal engkal.com
பசலைக் கீரை

வருடம் முழுவதும் கிடைக்கக்கூடியது. நீர்ச்சத்து நிறைந்த கீரை. சிறுநீரைப் பெருக்கும், பசியைத் தூண்டும் வல்லமை பெற்றது.

ஏ, சி மற்றும் பி காம்ப்ளெக்ஸ், புரதம், இரும்பு, கால்சியம் போன்றவை உள்ளன.

பைல்ஸ் பிரச்னை இருப்பவர்களுக்கு பசலை மிகவும் நல்லது. ஆரம்பக்கட்டத்தில் இருப்பவர்களை, எந்தவித சிகிச்சைகளும் இல்லாமல், இந்தக் கீரையின் மூலமே குணப்படுத்திவிட முடியும்.  நீர்க்கடுப்பு, நீரடைப்பு குணமாகும். சருமப் பிரச்னைகள் தீரும். நோய்த் தொற்றைப் போக்கும்.  வாய்ப்புண்களை ஆற்றும்.

கருணைக் கிழங்கு, வெங்காயம் மற்றும் பசலை சேர்த்து சமைத்து, சாப்பிட்டுவர ஆரம்பக்கட்ட மூல நோயைக் குணப்படுத்தும். 

சைனஸ், வீசிங் பிரச்னை இருப்பவர்கள் மழைக்காலத்தில் இந்தக் கீரையைத் தவிர்ப்பது நல்லது.

பசலைக்கீரையில் உடல் வளர்ச்சிக்கு தேவையான அமினோ அமிலங்கள் (புரதம்), இரும்பு, விட்டமின் ஏ, சி, ஃபோலிக் அமிலம் முதலியன இருப்பதால், அளவுக்கு அளவு, இறைச்சி, முட்டை, மீன் போன்ற மாமிச உணவுகள் தரும் சக்திகளை தரவல்லது. பசலைக்கீரை.

வயிற்றிலிருந்து கழிவுப் பொருட்களை நீக்கி, மலச்சிக்கலை போக்குகிறது. கருவுற்றிருக்கும் பெண்களுக்கும், பாலூட்டும் தாய்மார்களுக்கும் சிறந்த உணவு. காரணம் இதிலிருக்கும் ஃபோலிக் அமிலமும் இரும்புச்சத்தும் ரத்த விருத்தியை அதிகரிக்கும்.

உடல் இளைப்பு, களைப்பு, பசியின்மை, மூச்சு

வாங்குதல் இவற்றுக்கு நல்ல பலனை தரும்.

பசலைக்கீரை சாறு சிறுநீர் பிரிய உதவும். உடல் சூட்டை குறைக்கும்.

பசலைக்கீரை ஆவியில் வேக வைத்து சமையலில் சேர்ப்பது நல்லது. சமைக்கு முன் நன்றாக, பொறுமையாக கழுவ வேண்டும்.

சமைக்கும் போது தண்ணீர் சேர்க்காமல் ப்ரஷர் குக்கரில் சமைப்பது நல்லது. அல்லது இலேசான சூட்டில் வேக விட்டு பதத்தோடு இறக்கி விட வேண்டும்.

பசலைக்கீரையில் சிறிதளவு ஆக்ஸலேட்ஸ் (Oxalates) இருப்பதால் கல்லீரல் நோயாளிகள் பசலையை தவிர்ப்பது நல்லது.

kerikalin payangal engkal.com
சக்கரவர்த்தி கீரை

 சிறுநீரக கற்கள், தொற்றுக்களை போக்க கூடியதும், எலும்புகளுக்கு பலத்தை கொடுக்க கூடியதும், வயிற்று புண்ணை குணமாக்க கூடியதும், ரத்த சோகையை சரிசெய்ய கூடியதும், மூட்டுவலியை குணப்படுத்தும் தன்மை கொண்டதும், எண்ணற்ற மருத்துவ குணங்களை கொண்ட சக்கரவர்த்தி கீரையை பற்றி பார்ப்போம்.

கீரைகளுக்கெல்லாம் அரசன் என்பதால் இது சக்கரவர்த்தி கீரை என பெயர் பெற்றது. வாத்தினுடைய காலின் அமைப்பை உடைய சக்கரவர்த்தி கீரையை, பருப்பு கீரை என்று சொல்வதுண்டு. பல்வேறு மருத்துவ குணங்கள் கொண்ட இந்த கீரையில் வைட்டமின் ஏ, சி ஆகிய சத்துக்கள் அதிகளவில் உள்ளன.

கால்சியம் சத்து நிறைந்த இது, எலும்புகளுக்கு பலத்தை கொடுக்க கூடியது.சக்கரவர்த்தி கீரையை கொண்டு சிறுநீரக கற்களை போக்கும் மருந்து தயாரிக்கலாம்.

ஒரு கைப்பிடி சக்கரவர்த்தி கீரையை எடுத்து கொள்ளவும். அதனுடன் அரை ஸ்பூன் கருஞ்சீரகம், ஒரு ஸ்பூன் கொள்ளுப்பொடி, அரை ஸ்பூன் பனங்கற்கண்டு ஆகியவற்றை சேர்க்கவும்.

பின்னர், நீர்விட்டு கொதிக்க வைத்து வடிகட்டி எடுத்துக் கொள்ளவும். இதை குடிப்பதன் மூலம் சிறுநீரக கற்கள், சிறுநீரக தொற்று பிரச்சனை சரியாகும்.

சக்கரவர்த்தி கீரையில் இரும்பு சத்து, பொட்டாசியம், கால்சியம், துத்தநாகம் உள்ளிட்ட சத்துக்கள் உள்ளன. நார்சத்து மிகுந்த இக்கீரை சரிவிகித உணவாகிறது. ரத்த சோகை சரியாவதுடன், மலச்சிக்கல் மறைகிறது. வயிற்றுப் புண்ணை சரி செய்யும் தன்மை சக்கரவர்த்தி கீரைக்கு உண்டு.

புற்றுநோயை தடுக்கவல்ல இந்த கீரை, எலும்பை பலமடைய செய்கிறது. சிறுநீரை வெளியேற்றும் தன்மை கொண்டது. சக்கரவர்த்தி கீரையை பயன்படுத்தி ரத்த சோகை, மாதவிலக்கு கோளாறுக்கான மருந்து தயாரிக்கலாம்.

ஒரு கைப்பிடி சக்கரவர்த்தி கீரை இலையை எடுத்துக்கொள்ளவும். அதனுடன் சிறிதளவு சுக்குப்பொடி, ஒரு ஸ்பூன் வெல்லம் சேர்த்து நீர்விட்டு நன்றாக கொதிக்க வைக்க வேண்டும். இதை வடிகட்டி குடிப்பதன் மூலம், ரத்தசோகை குணமாகும். மாதவிலக்கு கோளாறு சரியாகும்.

சக்கரவர்த்தி கீரையின் இலையை அரைத்து பசையாக்கி மேல்பூச்சாக பூசலாம். இவ்வாறு செய்தால் வெயிலால் ஏற்படும் தோல் சுருக்கங்கள் மறையும். சிராய்ப்பு காயங்கள் ஆறும்.சக்கரவர்த்தி கீரையை பயன்படுத்தி மூட்டுவலிக்கான மேல்பூச்சு மருந்து தயாரிக்கலாம். ஒரு ஸ்பூன் விளக்கெண்ணெய் உடன் சக்கரவர்த்தி கீரையை சேர்த்து வதக்கி எடுத்துக் கொள்ளவும்.

இளஞ்சூட்டுடன் மூட்டுவலி உள்ள இடத்தில் சக்கரவர்த்தி கீரையை கட்டி வைத்தால் வலி குறையும். வலி இருக்கும் இடங்களில் ஒத்தடம் கொடுக்கலாம். அவ்வாறு செய்தால் வலி மறையும்.

kerikalin payangal engkal.com
சிறு கீரை

சிறு கீரையில் இருக்கும் சுண்ணாம்பு சத்துக்கள், கொழுப்பு சத்துக்கள் உடலுக்கு அழகு சேர்க்க பயன்படுகிறது.

சிறு கீரையை சமைத்து சாப்பிடுவதால் அதில் இருக்கும் சத்துக்கள் அனைத்தும் நம் உடலுக்கு நன்மை பயக்க கூடியதே.  வாயு தொல்லையால் அவதி படுவோர் தினம் சிறு கீரையை எடுத்துக்கொண்டால் நல்ல தரும். வாத நோயில் இருந்து விடுபட சிறு கீரையை சமைத்து  அதனுடன் இஞ்சி, சீரகம், சோம்பு, வெள்ளைப்பூண்டு சேர்த்து உண்ண நாளடைவில் குணம் அடையும்.

காச நோயில் இருந்து விடு பட எண்ணுவோர் சிறுகீரையை உண்ண ஆரம்பியுங்கள். இதில் இருக்கும் புரத சத்துக்கள் ரத்தத்தில் இருக்கும் தொற்றுக்களை அழித்து ரத்த சோகையில் இருந்து நம்மை தற்காத்து கொள்ளும்.

கண் குறைபாடுகளை சரி செய்ய சிறு கீரை நல்ல ஒரு மருந்தாக கருதப்படும். மலச்சிக்கல் பிரச்சனையை போக்கவும் பயன்பட கூடியதே.

ரத்தம் கட்டுதல் அல்லது அடிபட்ட இடங்களில் ஏற்படும் வீக்கம் போன்றவற்றை குணப்படுத்த ஒரு நல்ல மருந்து தான் சிறு கீரை.

சிறு கீரையை சமைத்து சாப்பிடுவதால் அதில் இருக்கும் சத்துக்கள் அனைத்தும் நம் உடலுக்கு நன்மை பயக்க கூடியதே.  வாயு தொல்லையால் அவதி படுவோர் தினம் சிறு கீரையை எடுத்து கொள்ள நல்ல பலனை காணலாம்.

வாத நோயில் இருந்து விடுபட சிறு கீரையை சமைத்து  அதனுடன் இஞ்சி, சீரகம், சோம்பு, வெள்ளைப்பூண்டு சேர்த்து உண்ண நாளடைவில் குணம் அடையும்.

காச நோயில் இருந்து விடு பட எண்ணுவோர் சிறுகீரையை உண்ண ஆரம்பியுங்கள். இதில் இருக்கும் புரத சத்துக்கள் ரத்தத்தில் இருக்கும் தொற்றுக்களை அழித்து ரத்த சோகையில் இருந்து நம்மை தற்காத்து கொள்ளும்.

கண் குறைபாடுகளை சரி செய்ய சிறு கீரை நல்ல ஒரு மருந்தாக கருதப்படும். மலச்சிக்கல் பிரச்சனையை போக்கவும் பயன்பட கூடியதே.

ரத்தம் கட்டுதல் அல்லது அடிபட்ட இடங்களில் ஏற்படும் வீக்கம் போன்றவற்றை குண படுத்த ஒரு நல்ல மருந்து தான் சிறு கீரை.

சிறு கீரையை சமைத்து சாப்பிடுவதால் அதில் இருக்கும் சத்துக்கள் அனைத்தும் நம் உடலுக்கு நன்மை பயக்க கூடியதே.  வாயு தொல்லையால் அவதி படுவோர் தினம் சிறு கீரையை எடுத்து கொள்ள நல்ல பலனை காணலாம்.

வாத நோயில் இருந்து விடுபட சிறு கீரையை சமைத்து  அதனுடன் இஞ்சி, சீரகம், சோம்பு, வெள்ளைப்பூண்டு சேர்த்து உண்ண நாளடைவில் குணம் அடையும்.

காச நோயில் இருந்து விடு பட எண்ணுவோர் சிறுகீரையை உண்ண ஆரம்பியுங்கள். இதில் இருக்கும் புரத சத்துக்கள் ரத்தத்தில் இருக்கும் தொற்றுக்களை அழித்து ரத்த சோகையில் இருந்து நம்மை தற்காத்து கொள்ளும்.

கண் குறைபாடுகளை சரி செய்ய சிறு கீரை நல்ல ஒரு மருந்தாக கருதப்படும். மலச்சிக்கல் பிரச்சனையை போக்கவும் பயன்பட கூடியதே.

சிறு கீரையை சமைத்து சாப்பிடுவதால் அதில் இருக்கும் சத்துக்கள் அனைத்தும் நம் உடலுக்கு நன்மை பயக்க கூடியதே.  வாயு தொல்லையால் அவதி படுவோர் தினம் சிறு கீரையை எடுத்து கொள்ள நல்ல பலனை காணலாம்.

வாத நோயில் இருந்து விடுபட சிறு கீரையை சமைத்து  அதனுடன் இஞ்சி, சீரகம், சோம்பு, வெள்ளைப்பூண்டு சேர்த்து உண்ண நாளடைவில் குணம் அடையும்.

காச நோயில் இருந்து விடு பட எண்ணுவோர் சிறுகீரையை உண்ண ஆரம்பியுங்கள். இதில் இருக்கும் புரத சத்துக்கள் ரத்தத்தில் இருக்கும் தொற்றுக்களை அழித்து ரத்த சோகையில் இருந்து நம்மை தற்காத்து கொள்ளும்.

கண் குறைபாடுகளை சரி செய்ய சிறு கீரை நல்ல ஒரு மருந்தாக கருதப்படும். மலச்சிக்கல் பிரச்சனையை போக்கவும் பயன்பட கூடியதே.

Close Menu