சமையல் பொருள்களின் சில மருத்துவ குணம்:

நாம் அன்றாடம் சமையலுக்கு பயன்படுத்தும் பொருட்களில் நாமக்கு தெரியாத எத்தனை மருத்துவ குணங்கள்..

அளவான பொருட்களின் அளவற்ற பயன்கள்

கடுகு

கடுகில் அதிக நோய் எதிர்ப்பு சக்தி உள்ளது. கடுகில்  உள்ள மெக்னீசியம் ஆஸ்துமா கோளாறுகளை நீக்குகிறது. மற்றும் கடுகில்  இரும்பு, புரதம், மற்றும் நார்ச்சத்து போன்றவை காணப்படுகிறது. மற்றும் சமையலுக்கு வாசனை பொருளாக உபயோகிக்கலாம்.

மல்லி

செரிமானத்திற்கு நன்கு  உதவும் மல்லி, இதயத்திற்கு நல்லது. இருமல், காய்ச்சல், செரிமானமின்மை, வாந்தி போன்றவற்றை குணப்படுத்தும்.

பட்டை

 செரிமானத்திற்கு உதவுகிறது. ரத்த ஓட்டத்தை அதிகரிப்பதோடு, திசுக்களை பலப்படுத்தும் தன்மை வாய்ந்தது. தசை பிடிப்பு, மூட்டு வலி, மாதவிடாய் பிரச்னை ஆகியவற்றை தீர்க்கவும், பல்சொத்தை, ஈறுகளில் வலி, சிறுநீரக பிரச்னைகள் போன்றவற்றை தவிர்க்க உதவும்.

கருஞ்சீரகம்

இவை நோய் எதிர்ப்பு சக்தியை அதிகரிக்க உதவும்.மற்றும் ஆஸ்துமா நோய்க்கு மருந்தாக பயன்படுத்தலாம்.

கறிவேப்பிலை

கறிவேப்பிலையை உணவில் சேர்த்துக் கொள்வதால். பல நன்மைகள் உள்ளன. கண்பார்வை தெளிவாகும், மற்றும் இளம் வயதில் வரும் நரைமுடியை தவிர்க்கலாம்.

கிராம்பு

வாயில் உண்டாகும் துர்நாற்றத்தைப் போக்க உதவும்.மற்றும்  ஜீரணக்கோளாறுகள் நீக்கலாம்.

பல் வலி, தேள் கடிக்கு உதவும்.

இஞ்சி

இஞ்சி வாயில் சுரக்கும் உமிழ்நீரைப் அதிகரித்து பசியைத் தூண்டும்.

இஞ்சி கார சுவை உடையது.

ஓமம்

மூக்கடைப்பு, வயிற்று வலியை நீக்கவும். மற்றும் வலி நிவாரணியாகவும் பசியைத் தூண்டவும் பயன்படுத்தலாம்.

ஓமத்தில் இரும்பு சக்தி அதிகம் உள்ளது.

சீரகம்

சீரகம் கிருமி நாசினியாகவும் உள்ளது. இது புற்றுநோயிற்கு மருந்தாகவும் உள்ளன

திப்பிலி

திப்பிலி  இருமல், காசநோய், காய்ச்சல், கோழை, சளி போன்ற  நோய்களைக் குணமாக்கப் பயன்படும் ஒரு மருந்தாகும்.

வெந்தயம்

நீரிழிவு நோயை குணப்படுத்துகிறது. மோருடன் சேர்த்து குடிக்கும்போது வயிற்றுப்போக்கை நீக்குகிறது.

மஞ்சள்

காயங்களை குணப்படுத்த உதவுகிறது. இரும்பு சத்து அதிகம் இருப்பதால், இதை தினசரி உட்கொள்ளும் போது ரத்த சோகையை வராமல் தவிர்க்கலாம். குடல் நோய்கள் மற்றும் வயிற்றுபோக்கை குணப்படுத்தும்.

ஏலக்காய்

ஏலக்காயை பொடியாக்கி தேன் கலந்து சாப்பிட்டால் நரம்பின் பலம் கூடும், கண்பார்வை அதிகரிக்கும்.

ஏலத்தை பொடியாக்கி துளசிச் சாற்றுடன் கலந்து உட்கொண்டால் வாந்தி நிற்கும்.

பூண்டு

பூண்டு நோயெதிர்ப்பு சக்தியை அதிகரிக்கிறது. சளி தொல்லைகளில் இருந்து தடுக்கவும் அதிலிருந்து மீண்டு வரவும் பூண்டு ஒரு சிறந்த மருந்து.

குடல்புழுக்கள்,மற்றும் பூஞ்சை தோல் நோய் போன்ற நோய்களுக்கும் பூண்டு ஒரு சிறந்த மருந்து.

பிரியாணி இலை

பிரியாணி இலையில் புற்றுநோய் எதிர்ப்பு பொருட்களான காஃப்பிக் அமிலம், க்யூயர்சிடின் மற்றும் யூஜினால் போன்றவை உள்ளது. இவை புற்றுநோய் செல்களின் வளர்ச்சியைத் தடை செய்து வெளியேற்றி, புற்றுநோய் அபாயத்தில் இருந்து பாதுகாக்கும்.

சுக்கு

உலர்ந்த இஞ்சி தான் சுக்காக மாறுகிறது. இஞ்சியின் சாறு அனைத்தும் உலர்ந்து போனதால் இவற்றில் சக்தி அதிகமாக இருக்கும். இதில் நார்ச்சத்து அதிகமாக இருப்பதால், நமது உடலின் ஜீரண உறுப்புகளுக்கு ஏற்ற அருமருந்தாகும்.

மிளகு

நுரையீரலில் உள்ள அனைத்து விதமான பிரச்சினைகளுக்கும் தீர்வு காணக்கூடியவை. சளிக்கும், ரத்த போக்கை நீக்குவதற்கும், கெட்ட கொழுப்பை கரைப்பதற்கும், குடல் புழுக்கள் நீங்குவதற்கும், விஷக்கடிகள் முறிவு செய்யவும், ரத்தத்தை சுத்தம் செய்யவும் இவை உதவும்.

சோம்பு

எளிதில் செரிமானம் ஆகாத உணவுகளைக் கூட செரிக்கச் செய்யும் தன்மை சோம்பிற்கு உண்டு. உணவுக்குப்பின் சிறிதளவு சோம்பை வாயில் போட்டு மென்று சாறை கொஞ்சம் கொஞ்சமாக இறக்கி வந்தால் உண்ட உணவு எளிதில் சீரணமாகும்.

அன்னாசிப் பூ

உடலுக்குத் தேவையான அனைத்து சக்திகளையும் இயங்கச் செய்வது ஹார்மோன்களே. இந்த ஹார்மோன்கள் சரிவர சுரக்க செய்யும் தன்மை அன்னாசிப் பூவிற்கு உண்டு. இதனால் உடலுக்குத் தேவையான சக்தி கிடைக்கும். எனவே அன்னாசிப் பூவை உணவில் சேர்த்துக்கொள்வது மிகவும் சிறந்தது.

வெங்காயம்

நான்கு சிறிய வெங்காயத்தை மென்று சாப்பிட்டு சூடாக ஒரு டம்ளர் வெந்நீர் குடித்தால் ஜலதோஷம் குணமாகும் .

வெங்காயத்தை சாறு எடுத்து அதில் சிறிய பெருங்காயத்தை குழைத்து தேள் கொட்டிய இடத்தில் பத்துபோட்டல் தேள்கடி விஷம் உடனே இறங்கிவிடும்.

Close Menu